गजल

मेरो प्रश्नको कुनै, जवाफ थिएन तिमी सँग ।
जवाफ दिनै पर्छ, भन्ने दबाब थिएन तिमी सँग ॥



नजर जुधाई  नजरको, छुरा  चलाउदा
शुन्दर्ताको  एक रत्ति, रवाफ थिएन तिमी सँग ॥

मदहोसि नै भ'को थिएँ, तिम्रो एक मुस्कानमा
अधरलाई छुपाउने, नकाब थिएन तिमी सँग ॥

गाजलु ति मृग नयन कोकिल झैं कण्ठ अझ
अरुलाई रुवाउने स्वभाव थिएन तिमी सँग ॥

पछि तिमी भनि र'लाउ, नसुनौंला मैले फेरी
म जस्ताको सायद, अभाब थिएन तिमी सँग ॥
                                             २६ /१२/२०११ 
                                     
                                           अभागी कान्छा गाउँले 
                                           तोपगाछी, झापा